फारवेष्ट पशुपति युवा क्लबको आयोजनामा प्रथम करन उमेश स्मृति खुल्ला क्रिकेट प्रतियोगिता हुने भएको छ । क्लबले पहिलो पल्ट यही असोज १ गतेदेखि ७ गतेसम्म उक्त प्रतियोगिता आयोजना गर्न लागेको हो । पशुपति टोल , वडा नं. १ , धनगढीको महोत्सव लाग्ने मैदानमा उक्त प्रतियोगिता सम्पन्न हुनेछ । खेलाडीको उमेर , जिल्ला तथा प्रदेश नतोकिएको सो प्रतियोगितामा जुनसुकै नेपाली खेलाडीको टिमले भाग लिन पाउनेछन् ।
प्रतियोगितामा टिम वा क्लब दर्ता गर्ने अन्तिम म्याद यही भाद्र २८ गतेसम्म मात्र रहेको आयोजकले जनाएको छ । प्रवेश शुल्क ५ हजार ५ सय तोकिएको सो प्रतियोगितामा प्रथम हुने टिमलाई पुरस्कारस्वरुप नगद रु. ८० हजार तथा दोस्रो हुने टिमलाई नगद रु. ४० हजार राखिएको छ । त्यसैगरि सर्वोत्कृष्ट ब्याट्म्यान एवम् सर्वोत्कृष्ट बलरलाई जनही नगद रु. २ हजार तथा प्लेयर अफ द टुर्नामेन्टलाई नगद रु. ५ हजार पुरस्कार राशी तोकिएको छ ।
टीम दर्ता तथा अन्य जानकारीका लागि दिपेन्द्र ऐरी (मो. ९७४५६१०८४६) , कालु केसी (मो. ९७०२६९७४८८) तथा विशेष गिरी(मो. ९८४१९६५५६४)लाई सम्पर्क गर्न सकिनेछ ।
