Nexu Corner ले प्रविधिमैत्री खेल फ्रि फायरको प्रतियोगिता आयोजना गर्ने भएको छ । यही असोज १९ गते शनिवार बिहानको ठिक १० बजे प्रतियोगिता संचालन हुने नेक्सु कर्नरले जनाएको छ । नजिकिदै गरेको महान चाड बडादशैँको अवसर पारेर उक्त प्रतियोगिता आयोजना गर्न लागिएको Nexu Corner का संस्थापक जैनुल अल जफर सिद्धिकीले बताए ।
प्रतियोगितामा कक्षा ८ देखि स्नातक तहसम्मका विद्यार्थीहरुले सहभागिता जनाउन सक्नेछन् । प्रतियोगिताका विजेताहरु मध्ये पहिलोलाई रु. तीन हजार नगद सहित सर्टिफिकेट तथा टफी , दोस्रोलाई रु. दुर्ई हजार सहित सर्टिफिकेट , तेस्रोलाई रु. एक हजार सहित सर्टिफिकेट तथा सर्वाधिक मूल्यवान खेलाडीलाई एक हजार तथा मेडल प्रदान गरिने सिद्धिकीले बताए ।
उक्त प्रतियोगिताको लागि टिम दर्ता खुल्ला भैसकेको समेत जनाईएको छ । प्रतियोगिता गोदावरी न.पा. वडा नं. २ स्थित सत्यवती एकेडेमीको फुटसल ग्राउण्डमा आयोजना हुनेछ ।
